About Snikker Studios

سنيكر ستوديوز قصة كاتمثل اي واحد ولد الشعب، هاد الحوايج ماشي ديال جيب لوغو و لصق و بيع، بالعكس حوايج خارجين من القلب و بكاليتي نقية، كنبيعو و عارفين اش كنبيعو، بغينا بنادم يلبس هاد الحوايج يحس براسو واحد منا ويلبسوه الناس لي عارفين بقيمة ثقافة الستريت وير

 

مشينا بعيد فهاد البلان ديال جيب، لصق و بيع، كناخدو الالهام من التفاصيل الصغيرة من دوك الحوارات لي كادور بين الدراري فالكوان ديال الدرب. كل طرزة فالثوب داويا على راسها، و اي واحد لابس داك الثوب را داوي على راسو، او هادشي كامل را مخصوص و مقاد لدراري ديال الزنقة لي كيعيشو "ستريت لايف" و كيموتو على هاد الستيل

 

نظرا لقلة المعامل فالبلاد و ماكينش لي يخدم معاك شي برودويات  ولي خاصك معاهم ميزانية باش يخدمو معاك واحد الكمية باش يكونو هوما فخاطرهم، كتضطر انك تخدم مع ولاد الشعب لي خدامين على ريوسهم و باغين غا منين يجيبو طريف دالخبز، و كاتلقاهم واخا عندهم ظروف عائلية و شحال من حاجة ولاكن كيخدمو معاك من نيتهم و كيخرجو لك البرودوي كيما بغيتي نتا، و كتكون لا نتا لا هما قنوعين و فرحانين بهاد الخدمة و عارفين انكم كاملين غادين تفرحو واحد الدري اخر ولد الشعب لي غايشري هاداك البرودوي

 

كتكون غادي مسركل فالشارع كتشوف بنادم دايز كتحكم عليه من المظهر ديالو و كيفاش لابس و كيفاش مقاد هاد القبية، و كيفاش هاد السروال لابسو، و كاتبدا تسائل معا راسك "منين شرا هاد اللعيبة، هاد القبية اول مرة نشوفها"، خلي راسك تكون نتا هو داك خونا لي فالشارع و حاضيه بنادم على حوايجو و كيتمنا يكون بلاصتو لابس دوك الحوايج